ДУШАНБЕ, 22 май. /"Дунё" АА/. Тожикистон Миллий Фанлар академияси Фалсафа, сиёсатшунослик ва ҳуқуқ институти илмий ходими Виктор Ким "Дунё" АА учун интервьюсида Ўзбекистон Президенти Шавкат Мирзиёевнинг 19-22 май кунлари Венгрия буюрган расмий ташрифи ва Туркий давлатлар ташкилоти норасмий саммитидаги иштироки ҳақидаги фикрларини билдирди:

 – Ўзбекистон ва Венгрия ўртасидаги икки томонлама муносабатлар Венгрия Бош вазири Виктор Орбаннинг 2021 йил март ойида ва Ўзбекистон Президенти Шавкат Мирзиёевнинг 2022 йил октябрдаги ўзаро ташрифларидан сўнг томонлар ўртасидаги юксак динамика, ўзаро манфаатдорлик ва ишонч билан ажралиб туради. Мамлакатларнинг барча даражадаги тизимли ҳамкорлиги – савдо-иқтисодий шериклик, парламентлараро ва идоралараро ҳамкорликнинг босқичма-босқич ривожланиши кенг қамровли шартномавий-ҳуқуқий базани шакллантириш имконини берди.

Шу боис кенгайтирилган стратегик шериклик муносабатларини йўлга қўйиш тўғрисидаги Қўшма декларацияни имзолаган Президент Шавкат Мирзиёев ва Бош вазир Виктор Орбан ўртасидаги учрашув натижалари мантиқан тўғри бўлди.

Венгрия ташқи сиёсатидаги қизиқ факт унинг бошқа халқаро интеграция жараёнларида, хусусан, кузатувчи давлат сифатида иштирок этаётган Туркий давлатлар ташкилоти (ТДТ)даги фаол иштирокидир. 

Қайд этиш керакки, Венгрия биринчи марта кузатувчи давлат сифатида ТДТ норасмий саммитига мезбонлик қилмоқда. Бу Венгрияга ТДТга аъзо мамлакатлар томонидан юқори даражадаги ишончдан далолат беради.