Йилнинг 147-куни. Йил якунланишига 218 кун қолди

Ушбу санада Ўзбекистонда:

1996 йил: Ўзбекистон Президенти расмий ташриф билан Озарбайжонга ташриф буюрди. Ташриф доирасида "Дўстлик ва ҳамкорлик тўғрисида"ги давлатлараро шартнома, "Эркин савдо тўғрисида", "Икки томонлама солиқ солишга йўл қўймаслик ҳамда даромад (фойда)га ва мулкка солиқлар тўлашдан бўйин товлашларнинг олдини олиш тўғрисида"ги ва бошқа ҳукуматлараро битимлар имзоланди.

2009 йил: Ўзбекистон Президенти расмий ташриф билан Бразилияга борди.

2014 йил: Латвия Президенти расмий ташриф билан Ўзбекистонга келди.

2015 йил: Давлатимиз раҳбари давлат ташрифи билан Жанубий Кореяда бўлди.

2019 йил: Германия Президенти расмий ташриф билан мамлакатимизга келди.

2020 йил: Ўзбекистон Президенти туризм ва давлат активларини хусусийлаштириш соҳаларидаги лойиҳалар тақдимоти билан танишди.

2022 йил: Ўзбекистон Президенти Олий Евроосиё иқтисодий кенгашининг йиғилишида ташкилот ҳузуридаги кузатувчи давлат раҳбари сифатида иштирок этди.

2024 йил: Ўзбекистонга давлат ташрифини амалга ошираётган Россия Президентини тантанали кутиб олиш маросими бўлиб ўтди. Тошкент шаҳрида Ўзбекистон ва Россия Президентлари раислигида Ўзбекистон ва Россия ҳудудлари кенгашининг биринчи мажлиси бўлиб ўтди.

Жаҳонда:

- Нигерияда "Болалар куни";

- Боливияда "Оналар куни";

- Қирғизистон ва Россияда "Кутубхона куни";

- Россиянинг Санкт-Петербург шаҳри ташкил этилди (1703 йил).