ГУАНЧЖОУ, 2 январь. /"Дунё" АА/. Хитойнинг жанубий ҳудудлари билан савдо-иқтисодий ва инвестициявий алоқаларни янада ривожлантириш мақсадида Бош консулхона ходимлари Гуандун провинцияси Халқаро савдони рағбатлантириш қўмитаси (China Council for the Promotion of International Trade Guangdong Committee, CCPIT) президенти Чен Сияофен билан учрашув ўтказишди, деб хабар қилмоқда "Дунё" АА мухбири.

Мулоқот чоғида, Чан Сияофен мамлакатларимиз ўртасидаги иқтисодий муносабатлар ривожланиб бораётганидан мамнунлигини қайд этиб, Ўзбекистонда яратилган қулай ишбилармонлик ва инвестиция муҳитини юқори баҳолади.

Хитой томони мамлакатларимиз ўртасида савдо-иқтисодий, инвестиция ҳамда туризм йўналишларидаги ҳамкорликни янада кенгайтириш мақсадида аниқ чора-тадбирларни амалга оширишга тайёрлигини таъкидлади.

Гуандун провинцияси билан иқтисодий дипломатия йўналишидаги жараёнларни жадаллаштириш учун 2025 йилда қўшма бизнес-форум, кўргазма ва ярмаркалар ўтказиш, истиқболли инвестицион лойиҳалар тақдимотларини ўтказиш ҳамда ҳудуддаги компаниялардан иборат гуруҳларни Ўзбекистонга бизнес-миссияларини амалга ошириш масалаларини ишлаб чиқишга келишиб олинди.