ИСЛОМОБОД, 26 апрель. /"Дунё" АА/. Покистоннинг етакчи оммавий ахборот воситалари Жиззах вилоятида бўлиб ўтган "Жиззах-2025" халқаро бизнес-форум якунларини кенг ёритди, деб хабар қилмоқда "Дунё" АА мухбири.

Хусусан, ушбу мамлакатнинг "APP – Associated Press of Pakistan" ахборот агентлиги ва "Pakistan in the World" журнали, "Pakistan Observer", "The Asian Telegraph", газеталари, "The Gulf Observer", "The Europe Today" ва "World News", "Voice Of Melange (VOM)", "NewsGuru" онлайн порталида Зомин туманида бўлиб ўтган бизнес-форум туркум мақолалар эълон қилинди.

Покистоннинг етакчи нашрларидан бири "APP – Associated Press of Pakistan" АА мазкур форумнинг минтақавий инвестицияларни фаоллаштириш ва глобал шериклик алоқаларини мустаҳкамлашга қаратилганини қайд этиб, Ўзбекистоннинг инвестиция салоҳияти ва инвесторларга яратилган қулай шароитлар ҳақида хорижий иштирокчиларнинг хабардорлигини оширишда муҳим платформа бўлиб хизмат қилганини эътироф этган.

"The Asian Telegraph" интернет нашри форумни юқори баҳолаб, қуйидагича ёзган: "Жиззах-2025" бизнес-форуми Ўзбекистоннинг ташқи инвестицияларга очиқлигини яна бир бор намоён этди. Форум хорижий ишбилармон доиралар учун янги имкониятлар эшигини очди."

"Pakistan in the World" ва "NewsGuru" нашрлари ҳам форумнинг халқаро аҳамиятини алоҳида уруғлаган. Мақолаларда, ушбу бизнес-форум узоқ муддатли халқаро шерикликлар учун муҳим майдони бўлгани ва нафақат сармоядорлар, балки давлатлар ўртасида иқтисодий дипломатияни янада кенгайтириш учун ҳам ноёб платформа яратгани этилган.

"The Gulf Observer" электрон нашри эса форумдаги иштирокчилар ва муҳокама қилинган масалаларни батафсил таҳлил қилган. "Жиззах-2025" бизнес-форуми Ўзбекистонни замонавий инвестиция маркази сифатида дунёга намойиш қилди. Бу нафақат минтақавий, балки глобал бизнес ҳамжамият учун ўзига хос сигнал вазифасини ўтади", – дейилади мақолада.

"The Europe Today" ва "Voice of Melange" нашрларида жойлаштирилган мазкур мавзудаги материалларда форум доирасида имзоланган келишувлар ва Ўзбекистонда тадбиркорлар, ишбилармон доира вакиллари ва айниқса хорижий инвесторлар учун яратилаётган қулай шароитлар, таклиф этилаётган ноёб имкониятлар ҳақида таъкидланган.