“Комсомольская правда” газетаси: Оролбўйида робот-хирургга эга энг замонавий тиббиёт мажмуаси очилди
Сентябрь 23, 2026. 10:00 • 2 дақ
• 123
МОСКВА, 23 сентябрь. /“Дунё” АА/. Россиянинг "Комсомольская правда" оммабоп нашрида Ўзбекистон Президенти Шавкат Мирзиёев томонидан Қорақалпоғистон илмий-амалий тиббиёт академиясига ташрифига бағишланган мақола чоп этилди, деб хабар бермоқда “Дунё” АА мухбири.
Умумий қиймати 154 миллиард сўм бўлган янги мажмуа 4,6 гектар майдонда жойлашган. Марказ 100 дан ортиқ йўналиш бўйича жарроҳлик амалиётларини синаб кўриш учун 18 та симуляция хонаси, шунингдек, юқори аниқликдаги ва масофавий жарроҳлик амалиётларини ўтказишга мўлжалланган Марказий Осиёдаги ягона “Edge Medical” робот-хирурги билан жиҳозланган.
Академия ҳар йили 3 минг нафар шифокор ҳамда 7 мингга яқин ҳамшира ва фармацевтлар малакасини оширишга мўлжалланган. Олис ҳудудлардан келган мутахассислар учун 72 ўринли шинам меҳмонхона барпо этилди. Бундан ташқари, муассаса томонидан АҚШнинг Питтсбург университети ва Германиянинг Фрайбург университети билан халқаро ҳамкорлик йўлга қўйилди.
Нашрда таъкидланганидек, ушбу лойиҳанинг амалга оширилиши маҳаллий шифокорларга энг сўнгги технологияларни бевосита ҳудуднинг ўзида ўзлаштириш имконини беради, замонавий тиббий ечимларнинг жорий этилиши эса Оролбўйида минглаб инсонлар ҳаётини сақлаб қолишга хизмат қилади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“Независимая газета”: Ўзбекистонда рақамли технологияларни ривожлантириш ва инвестицияларни жалб этиш учун янги имкониятлар очилмоқда
“DKNews” АА: Ўзбекистон ва Жанубий Кореянинг 30 йиллик ҳамкорлиги янги босқичга чиқмоқда
