ТОШКЕНТ, 19 август. /“Дунё” АА/. Теҳронда бўлиб турган Ўзбекистон ташқи ишлар вазирининг биринчи ўринбосари Баҳромжон Аълоев бошчилигидаги делегация кеча Эрон биринчи вице-президенти ўринбосари Али Нажафий Хўшруди томонидан қабул қилинди, деб хабар бермоқда “Дунё” АА мухбири.

Учрашув давомида икки томонлама кун тартибининг долзарб масалалари, шунингдек, Ўзбекистон-Эрон ҳамкорлигини янада ривожлантириш истиқболлари юзасидан фикр алмашилди.

Томонлар мунтазам сиёсий мулоқотни давом эттириш ва икки мамлакатнинг тегишли давлат органлари ўртасидаги ҳамкорликни фаоллаштириш муҳимлигини таъкидлади.

Савдо-иқтисодий ҳамкорликни кенгайтириш, транспорт-транзит алоқаларини ривожлантириш, шунингдек, минтақавий ва халқаро тузилмалар доирасидаги ҳамкорлик масалаларига алоҳида эътибор қаратилди.

“Дунё” АА олган сурат