ТОШКЕНТ, 1 январь. /“Дунё” АА/. “САМСE” компаниясининг Ўзбекистондаги ваколатхонаси директори Го Цзицзе “Дунё” АА учун берган интервьюсида Ўзбекистон  Президенти Шавкат Мирзиёевнинг Олий Мажлис ва Ўзбекистон халқига йўллаган Мурожаатномаси юзасидан фикрларини баён қилди:

– Ўзбекистон Президенти Шавкат Мирзиёевнинг парламент ва халққа йўллаган Мурожаатномасини диққат билан ўрганиб чиқдим. Ушбу Мурожаатнома Ўзбекистоннинг келгуси йилдаги ҳар томонлама ривожланиши учун дастурий ҳужжат ҳисобланади.

Ўзбекистон Шавкат Мирзиёев раҳбарлигида тарихий муваффақиятларга эришди. Ялпи ички маҳсулот рекорд даражага етди, экспорт ҳажми бир неча баробар ортди, камбағаллик даражаси эса минимал даражага тушди. Барча соҳаларда жаҳон ҳамжамиятининг эътиборини тортган чинакам тарихий натижаларга эришилди.

Ишончим комилки, ривожланишнинг бундай жадал йўлидан борар экан, Ўзбекистон ва унинг меҳнаткаш халқи барча белгиланган мақсадларга, албатта, етади.

“САМСE” Ўзбекистоннинг ишончли ҳамкорларидан бири ҳисобланади. Умид қиламанки, келгуси йилда ҳам “САМСE” Ўзбекистон халқининг фаровонлигини ошириш йўлида мамлакатларимиз иқтисодий ва инвестициявий ҳамкорлигини ривожлантиришга муносиб ҳисса қўшишда давом этади.