“Интерфакс” АА: Ўзбекистон иқтисодиёти жуда тез суръатлар билан ўсиб бораётган давлат
Июнь 18, 2026. 16:00 • 2 дақ
• 18
МОСКВА, 18 июнь. /“Дунё” АА/. Россиянинг етакчи “Интерфакс” ахборот агентлигида Россия инвесторларининг Ўзбекистонга бўлган қизиқиши ортиб бораётгани ҳақида мақола эълон қилинди, деб хабар бермоқда “Дунё” АА мухбири.
Мақолада Россия Бош вазирининг ўринбосари Алексей Оверчукнинг журналистларга берган интервьюсидан иқтибослар келтирилган. Унда таъкидланишича, Ўзбекистон россиялик инвесторлар учун, аввало, жуда тез суръатлар билан ривожланаётган ва изчил диверсификациялашаётган иқтисодиёти билан алоҳида қизиқиш уйғотмоқда.
“Энг муҳими, Ўзбекистон иқтисодиёти жуда тез суръатлар билан ўсиб бораётган давлатдир. Бу ерда тараққиёт учун жуда яхши шароитлар яратилмоқда. Шу билан бирга, бу диверсификациялашаётган иқтисодиёт ҳисобланади”, – дея Бош вазир ўринбосарининг сўзларидан иқтибос келтирилган нашрда.
Қайд этилишича, Алексей Оверчук V Тошкент халқаро инвестиция форуми доирасида Ўзбекистонга амалий ташриф билан келган Россия ҳукумати раиси Михаил Мишустинга ҳамроҳлик қилаётган расмий делегация таркибида жой олган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“The New York Times”: Ўзбекистон сайёҳлар орасида оммалашиб, Марказий Осиёдаги етакчи туристик йўналишга айланмоқда
“Orta Lectura”: Тошкент халқаро инвестиция форумига 100 давлатдан 8 мингдан ортиқ вакил йиғилди
