АЛ-КУВАЙТ, 19 июнь. /“Дунё” АА/. V Тошкент халқаро инвестиция форуми умумий қиймати 42 триллион АҚШ долларига яқин активларни бошқарувчи жаҳоннинг энг йирик компанияларини қабул қилди, деб хабар бермоқда “Дунё” АА мухбири Кувайтнинг “Al-Jarida” ва “An-Nahar” нашрларига таяниб.

Хусусан, тадбирда давлат раҳбарлари, халқаро молия институтлари ва жаҳоннинг “BlackRock”, “JPMorgan”, “Visa”, “Airbus”, “Meta”, “ACWA Power” сингари йирик компаниялари етакчилари иштирок этмоқда.

Шунингдек, форум ишида “яшил” энергетика, сунъий интеллект, стратегик минераллар, логистика ва халқаро инвеститсиявий ҳамкорликни ривожлантириш масалалари муҳокама марказида бўлиб турибди.

Форум якунлари бўйича энергетика, саноат, инфратузилма ва технологиялар соҳаларида кўп миллиард долларлик шартномалар имзоланиши кутилмоқда.