ТЕРМИЗ, 17 август. /“Дунё” АА/. Термиз шаҳрида бўлиб ўтган Ўзбекистон–Хитой инвестиция форуми доирасида Ўзбекистон ташқи ишлар вазири ўринбосари Мирвоҳид Азимов Сурхондарё вилоятининг халқаро логистика корхоналари раҳбарлари билан учрашди, деб хабар қилмоқда “Дунё” АА мухбири.

Музокаралар давомида халқаро автомобиль ташувининг долзарб масалалари ва уларни ҳал этиш юзасидан таклиф ва ташаббуслар муҳокама қилинди.

Шунингдек, вилоятнинг асосий чегара ва транспорт-логистика объектлари, жумладан, “Айритом” назорат-ўтказиш пункти, “Термиз” дарё порти ҳамда “Термиз Карго” логистика маркази фаолияти билан танишилди.