Ўзбекистон илк бор Цзиндэчжэнь халқаро керамика кўргазмасида иштирок этди
Октябрь 26, 2026. 16:30 • 2 дақ
• 83
ЦЗИНДЭЧЖЭНЬ, 26 октябрь. /“Дунё” АА/. Хитойнинг Цзянси провинциясида ўтказилган “2026 China Jingdezhen International Ceramic Expo” халқаро керамика кўргазмаси илк бор Ўзбекистон миллий стенди намойиш этилди, деб хабар бермоқда “Дунё” АА мухбири.
Мамлакатимиз миллий экспозицияси Шанхай ҳамкорлик ташкилотининг 25 йиллиги муносабати билан ташкил этилган “ШҲТ ойнаси” тематик зонасидан жой олди.
Ўзбекистон стендида ҳунарманд-кулолларнинг ноёб буюмлари — анъанавий лаганлар, кўзалар, қўлда ясалган чой тўпламлари ва миллий амалий санъатнинг бошқа намуналари тақдим этилди. Экспозиция ўзбек анъанавий наққошлик ва кулолчилик мактабларининг ўзига хослигини яққол намоён этиб, форум иштирокчилари, санъатшунослар ва экспертларда катта қизиқиш уйғотди.
Кўргазмада иштирок этиш Хитой ва хорижий давлатларнинг етакчи керамика маҳсулотлари ишлаб чиқувчилари ҳамда дистрибьюторлари билан бевосита алоқаларни ўрнатиш, дизайн ва технологиялар соҳасида тажриба алмашиш, шунингдек, ўзбек ҳунармандчилик буюмларини халқаро бозорларга олиб чиқиш йўлларини белгилаш ҳамда маданий-гуманитар мулоқотни мустаҳкамлашга хизмат қилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Сурхондарё ва Афғонистоннинг Балх вилояти саноат, қишлоқ хўжалиги ва соғлиқни сақлаш соҳаларида ишбилармонлик алоқаларини кенгайтирмоқда
Ўзбекистон ва Ислом тараққиёт банки ўртасида 202 миллион долларлик битим имзоланди
Токиода Ўзбекистон ва Япониянинг суд-ҳуқуқ соҳасидаги ҳамкорлик истиқболлари муҳокама қилинди
Ўзбекистон Журналистлар уюшмаси ва ЕХҲТ медиа соҳасидаги ислоҳотларни муҳокама қилди
