Туркиялик шифокорлар Ўзбекистонда болаларга эстетик пластик жарроҳлик амалиётини ўтказади
Октябрь 28, 2023. 12:05 • 39 сония
• 194
ИСТАНБУЛ, 28 октябрь. /«Дунё» АА/. Ўзбекистон Бош консулхонасида Истанбулдаги йирик «Healthis Assistance Saglik Hizmati» ширкати бош координатори Абдулкарим Хасанато билан учрашув бўлиб ўтди, деб хабар бермоқда «Дунё» АА мухбири.
Суҳбат давомида Ўзбекистондаги туғма нуқсонлар билан дунёга келган, ёки куйиш ва бошқа сабаблар оқибатида тана жароҳатларига эга болаларга эстетик пластик жарроҳлик амалиётини ўтказиш масалалари муҳокама қилинди.
Дастлабки босқичда Болаларни кўллаб-қувватлаш фонди билан биргаликда Фарғона вилоятидаги болалар кўп тармоқли тиббиёт марказида 40 дан ошиқ эстетик жарроҳлик амалиётига муҳтож бўлган болаларга ёрдам кўрсатиш бўйича келишиб олинди.
Абдулкарим Хасанато ушбу мураккаб турдаги жарроҳлик амалиётини Туркиянинг кўзга кўринган «Cam va Sakura hastanisi» клиникаси шифокори Жашкан Перчин ва «Medipol universiteti» клиникаси шифокори Бозкурт Мехмет ўз жамоаси билан амалга оширишини таъкидлади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Аёлларнинг давлат бошқарувидаги ролини ошириш бўйича конференция ташкил этилди
