ВАРШАВА, 20 май /"Дунё" АА/. Ўзбекистон элчихонаси ходимлари Халқаро миграция ташкилотининг (ХМТ) Варшавадаги ваколатхонаси директори Ливиа Стип-Рековская билан учрашув ўтказдилар, деб хабар қилмоқда "Дунё" АА мухбири.

Мулоқот давомида Польшадаги меҳнат муҳожирлари билан боғлиқ мавжуд вазият, уларнинг ҳуқуқ ва манфаатларини ҳимоя қилиш ва ватанига қайтиш масалалари юзасидан фикр алмашилди.

Томонлар икки томонлама ҳамкорликни чуқурлаштиришдан манфаатдор эканликларини билдирдилар. Шунингдек, ватандош мигрантларнинг ҳуқуқий саводхонлигини оширишга қаратилган қўшма тадбирларни биргаликда ўтказиш тўғрисида келишиб олдилар.