МАГАДАН, 11 июнь. /"Дунё" АА/. Ўзбекистоннинг Владивосток шаҳридаги Бош консулхонаси ходимлари Россиянинг Магадан вилоятига сафарлари давомида ҳудуддаги жазони ижро этиш муассасаларида сақланаётган ватандошлар билан учрашув ўтказдилар, деб хабар қилмоқда "Дунё" АА мухбири.

Мазкур муассасалар ваколатли ходимлари билан кечган суҳбат жараёнида бу ерда сақланаётган ватандошларимиз муаммоларини тезкорлик билан ҳал этиш мақсадида элчихона ва ижро этиш муассасаси ўртасида амалий ҳамкорликни йўлга қўйиш бўйича фикр алмашилди.

Марказда ватандошларни сақлаш, уларнинг тиббий ва бошқа зарур ёрдамларни олиши, шунингдек, яқин қариндошлари билан телефон мулоқотларини ташкил этиш шартларига алоҳида эътибор қаратилди.