БРЮССЕЛЬ, 21 февраль. /"Дунё" АА/. Ўзбекистон Президентининг ташқи сиёсат масалалари бўйича махсус вакили Абдулазиз Комилов Брюсселга ташрифи доирасида Европа Иттифоқининг терроризмга қарши курашиш бўйича координатори Бартьян Вегтер билан учрашди, деб хабар қилмоқда "Дунё" АА мухбири.

Терроризм ва радикаллашув таҳдидларига қарши курашиш борасидаги ҳамкорлик масалалари ҳамда Афғонистондаги вазият юзасидан фикр алмашилди.

ЕИ координатори Ўзбекистон Марказий Осиёда минтақавий барқарорлик ва хавфсизликни мустаҳкамлаш, шунингдек, афғон халқининг тинч ҳаётини тиклашга кўмаклашишда муҳим роль ўйнашини таъкидлади.