ТОШКЕНТ, 5 май. "Дунё" АА/. Тожикистон пойтахтида дзюдо бўйича "Катта дубулға" турнири ўз ниҳоясига етди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, мусобақанинг сўнгги кунида +100 кг вазн тоифасидаги беллашувларда Ўткирбек Тўрабоев бронза медалига сазовор бўлди.

Шу тариқа, ҳамюртларимиз мазкур мусобақани 1 та кумуш ва 4 та бронза медаллари билан якунлашди.

Хусусан, аёллар баҳсида Муҳайё Аҳматова (-52 кг) кумуш, эркаклар ўрасидаги курашда Артём Штурбабин (-66 кг), Ҳожиакбар Тошев (-73 кг), Муроджон Йўлдошев (-81 кг), Ўткирбек Тўрабоев (+100 кг) бронза медалларига сазовор бўлишди.