ТОШКЕНТ, 29 апрель. /"Дунё" АА/. Миср пойтахти Қоҳира шаҳрида спорт гимнастикаси бўйича Жаҳон кубоги босқичи ниҳоясига етди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, унда иштирок этган Ўзбекистон терма жамоаси 2 та бронза медалига сазовор бўлди.

Ҳар икки медални йигитларимиз қўлга киритди. Жумладан, Абдулазиз Мирвалиев таяниб сакраш дастурида 14.116 балл билан бронза медали соҳибига айланган бўлса, параллел брусда 13.866 балл жамғарган икки карра ёзги Олимпия ўйинлари иштирокчиси Расулжон Абдурасулов ҳам кучли учликдан ўрин эгаллади.