ТОШКЕНТ, 11 июль. /"Дунё" АА/. Венгриянинг Будапешт шаҳрида ўқ отиш спорти бўйича халқаро мусобақа ўтказилмоқда, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, унда иштирок этаётган Ўзбекистон терма жамоаси аъзоси Владимир Свечников олтин медалга эга чиқди.

Ҳамюртимиз 10 метр масофадан тўппончадан отиш баҳсларининг саралаш дастурида 588 очко жамғариб, энг юқори балл билан финалга йўл олди. Медаллар учун курашда ҳам юқори салоҳиятини намойиш этиб, мусобақа ғолибига айланди.