ТОШКЕНТ, 28 июль. /"Дунё" АА/. Малайзиянинг Кучинг шаҳрида таэквондо WT бўйича ёшлар ўртасидаги Осиё чемпионати ниҳоясига етди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, қитъа чемпионатининг иккинчи кун дастурида -59 кг вазн тоифасида баҳс олиб борган ҳамюртимиз Омадбек Отабеков барча рақибларидан устун келиб, олтин медални қўлга киритди. Бундан ташқари, Омадбек йигитлар ўртасида мусобақанинг энг яхши таэквондочиси деб топилди.

Шу тариқа, ёшларимиз Осиё чемпионатини биттадан олтин, кумуш ва бронза медаллари билан якунлади.