ТОШКЕНТ, 9 июль. /"Дунё" АА/. Туркиянинг Измит шаҳрида дзюдо бўйича ўсмирлар ўртасида "Kocaeli European Judo Hopes" халқаро турнир давом этмоқда, деб хабар қилмоқда "Дунё" АА мухбири.

Ўзбекистон Дзюдо федерацияси маълумотига кўра, мусобақанинг 8 июль кунги дастурида тўрт нафар дзюдочимиз шоҳсупага кўтарилди. Улар 1 та кумуш, 3 та бронза медалига сазовор бўлишди. Хусусан, Шохдиёр Умаров (-50 кг) кумуш, Жасур Алиев (-26 кг), Сардорбек Беков (-26 кг) ва Акбар Акрамов (+55 кг) бронза медалларини қўлга киритди.

Эслатиб ўтамиз, турнирнинг биринчи кунида Шохжахон Усмонов 50 кг вазнда "Kocaeli European Judo Hopes" турнири ғолибига айланганди.