ТОШКЕНТ, 22 сентябрь. /"Дунё" АА/. Хорватиянинг Загреб шаҳрида ўтказилган спорт курашлари бўйича жаҳон чемпионатининг юнон-рум кураши беллашувларида Ўзбекистон терма жамоаси аъзоси Айтжан Халмаханов олтин медални қўлга киритди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, Айтжан -63 кг. вазн тоифасининг сўнгги ҳал қилувчи финал баҳсида Жанубий Корея вакили Чунг Хан-Жаени мағлубиятга учратди ва жаҳон чемпионига айланди. Шу тариқа, у 24 йиллик танаффусдан кейин юнон-рум кураши бўйича жаҳон чемпиони бўлган илк спортчимизга айланди.

Ўзбекистон терма жамоаси спорт курашлари бўйича ўтган дунё биринчилигида 1 та олтин, 1 та кумуш ва 3 та бронза медалларини қўлга киритди.

Қуйида мусобақа давомида делегациямизга медаллар олиб келган полвонларимиз билан танишинг:

Олтин медаль:

-63 кг: Айтжан Халмаханов (юнон-рум кураши).

Кумуш медаль:

-60 кг: Алишер Ғаниев (юнон-рум кураши).

Бронза медаль:

-57 кг: Ғуломжон Абдуллаев (эркин кураш);

-65 кг: Умиджон Жалолов (эркин кураш);

-72 кг: Абдулло Алиев (юнон-рум кураши).