ТОШКЕНТ, 15 сентябрь. /"Дунё" АА/. Англиянинг Ливерпуль шаҳри мезбонлик қилган бокс бўйича жаҳон чемпионати якунига етди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, дунёнинг 68 мамлакатидан 540 нафар боксчи иштирок этган мусобақада Ўзбекистон терма жамоаси ҳам қатнашди. Ўзбекистон чарм қўлқоп усталари мазкур дунё биринчилигида 6 та олтин, 2 та кумуш ва 3 та бронза медаллари билан умумжамоа ҳисобида иккинчи ўринни эгаллади.

 Олтин медаль:

-60 кг: Абдумалик Халоков

-65 кг: Асадхўжа Мўйдинхўжаев

-75 кг: Фазлиддин Эркинбоев

-80 кг: Жавоҳир Умматалиев

-85 кг: Акмалжон Исроилов

-92 кг: Тўрабек Ҳабибуллаев

 Кумуш медаль:

-65 кг: Навбаҳор Ҳамидова

+90 кг: Жаҳонгир Зокиров

 Бронза медаль:

-48 кг: Сабина Бобоқулова

-51 кг: Феруза Казакова

-75 кг: Азиза Зокирова

Ўзбекистон Миллий Олимпия қўмитаси расмий веб-саҳифасида, мамлакат бокс федерацияси, спортчи ва мураббийлар ҳамда миллионлаб ҳамюртларимизга ушбу муваффақият билан самимий табрик юборган.