ДEҲЛИ, 30 сентябрь. /"Дунё" АА/. Ўзбекистон миллий терма жамоаси Деҳли шаҳрида бўлиб ўтаётган пара енгил атлетика бўйича жаҳон чемпионатидаги муваффақиятли иштирокини давом эттирмоқда, деб хабар бермоқда "Дунё" АА мухбири.

Бугун куннинг биринчи ярмида Бобиржон Омонов ядро улоқтириш баҳсларида (F41 тоифаси) 12,36 м натижа кўрсатиб, кумуш медални қўлга киритди.

Шу тариқа, мамлакатимиз вакиллари чемпионатнинг ҳозирча битта олтин, тўртта кумуш ва битта бронза медалини жамлади.

Жорий йил 7 октябргача давом этадиган жаҳон чемпионати 2028 йилги ёзги Паралимпия ўйинлари учун муҳим саралаш босқичи ҳисобланади.