ТОШКЕНТ, 30 июнь. /"Дунё" АА/. Швейцариянинг Люцерн шаҳрида академик эшкак эшиш бўйича Жаҳон кубоги баҳслари ўтказилмоқда, деб хабар қиляпти "Дунё" АА мухбири.

Миллий Олимпия қўмитаси маълумотига кўра, LM1x дастурида (енгил вазнли яккалик) кечган баҳсларда "Париж-2024" ёзги Олимпия ўйинлари иштирокчиси Шаҳзод Нурматов маррага учинчи бўлиб етиб келди ва бронза медалига сазовор бўлди.

 Эътиборлиси, Ўзбекистон терма жамоаси тарихда илк бор мазкур тоифадаги мусобақада дастлабки медалини қўлга киритди.