ТОШКЕНТ, 22 июнь. /"Дунё" АА/. Индонезиянинг Бали шаҳрида ўтказилаётган қиличбозлик бўйича Осиё чемпионатида Ўзбекистон аёллар терма жамоаси сабля йўналишида бронза медалини қўлга киритди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, саралаш баҳсларида Хитой Таипейи, Гонконг жамоаларини мағлуб этган қизларимиз ярим финалда Жанубий Кореяга 42:45 ҳисобида имкониятни бой беришди. Учинчи ўрин учун баҳсда эса хитойлик рақибаларидан 45:43 ҳисобида устун келишди.