СЕУЛ, 5 июнь. /"Дунё" АА/. Бугун Жанубий Кореянинг Чечхон шаҳрида спорт гимнастикаси бўйича эркаклар ўртасида Осиё чемпионати старт олади, деб хабар қилмоқда "Дунё" АА мухбири.

Ўзбекистон гимнастика федерацияси маълумотига кўра, мусобақада 20 та давлат вакиллари, жумладан, мамлакатимиз спортчилари иштирок этяпти.

Хусусан, мазкур турнирда Ўзбекистон шарафини Абдулла Азимов, Расулжон Абдураҳимов, Абдулазиз Мирвалиев, Хабибулло Эргашев ва Ўткирбек Жўраев ҳимоя қилади. Ўсмирлар тоифасида эса Тимур Камаев, Мансур Раҳматов ва Сарвар Абулфаизов медаллар учун кураш олиб боради.