ТОШКЕНТ, 18 июнь. /"Дунё" АА/. Таиланднинг Паттая шаҳрида байдарка ва каноэда эшкак эшиш бўйича 18 ва 23 ёшли спортчилар ўртасидаги Осиё чемпионати ўтказилди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, мусобақада юртимиз шарафини 28 та спортчимиз муносиб ҳимоя қилди.

Чемпионат якунида Ўзбекистон терма жамоаси 17 та олтин, 11 та кумуш ва 6 та бронза, жами 34 та медаль билан ҳар икки йўналишда умумжамоа ҳисобида биринчи ўринни эгаллади.