ТОШКЕНТ, 9 июль. /"Дунё" АА/. Корея Республикасининг Чунчеон шаҳри мезбонлик қилаётган "Жаҳон кубоги жамоавий чемпионатлари серияси" мусобақаси доирасида аралаш жуфтлик йўналишидаги беллашувлар ташкил этилди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, унда Ўзбекистон терма жамоаси олтин медалга эга чиқди.

Жамоамиз дастлабки босқичда Қозоғистон термасини 2:1, ярим финал босқичида мезбон Корея Республикасини 2:0 ҳисобида мағлуб этди. Ҳал қилувчи жангда эса юртдошларимиз Марокаш терма жамоасини 2:0 ҳисобида доғда қолдириб, мусобақа ғолибига айланди.

Баҳсларда юртимиз шарафини Исломбек Ражабов, Шуҳрат Салаев, Мадина Мирабзалов ва Диёра Азизова ҳимоя қилди.

Энди жамоамиз "World Taekwondo Diamond Games" турнирида иштирок этади.