ТОШКЕНТ, 3 июль. /"Дунё" АА/.  Кеча пойтахтимизда бўлиб ўтган стол тенниси бўйича U-15 ва U-19 ёш тоифаларидаги Осиё чемпионати ўз якунига етди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, мазкур мусобақада қитъамизнинг 22 мамлакатидан 400 нафардан ортиқ спортчи ғолиблик учун баҳс олиб борди.

Кеча финал беллашувларидан кейин мусобақа ғолиб ва совриндорлари тақдирланди. Ушбу тадбирда Ўзбекистон Миллий Олимпия қўмитаси раҳбарияти иштирок этди.

Қайд этиш жоиз, мамлакатимиз стол тенниси оламида илк бор бундай нуфузли турнирга мезбонлик қилди.