Исроилда дипломатлар ва ватандошлар Ўзбекистон мустақиллигининг 35 йиллигини нишонлади
Сентябрь 03, 2026. 19:30 • 2 дақ
• 29
ТЕЛЬ-АВИВ, 3 сентябрь. /“Дунё” АА/. Ўзбекистоннинг Исроилдаги элчихонаси мамлакат мустақиллигининг 35 йиллигига бағишлаб ватандошлар учун маданий-маърифий тадбир ташкил этди, деб хабар бермоқда “Дунё” АА мухбири.
Учрашувда мустақил тараққиёт йиллари давомида мамлакатимиз эришган асосий ютуқлар, сиёсий, ижтимоий-иқтисодий ва маънавий-маърифий ўзгаришлар, иқтисодиётни модернизация қилиш, аҳоли фаровонлигини ошириш ҳамда халқаро ҳамкорликни кенгайтириш тўғрисида тўхталиб ўтилди.
Элчихонанинг Ўзбекистон фуқароларини ижтимоий ва ҳуқуқий қўллаб-қувватлаш, уларнинг Исроилда хавфсиз ва қонуний яшаши ҳамда ишга жойлашиши масалалари, мавжуд консуллик хизматлари бўйича фаолиятига алоҳида эътибор қаратилди.
Тадбир давомида ватандошлар хорижда меҳнат қилаётган фуқароларни қўллаб-қувватлаётгани ва уларнинг қонуний ҳуқуқларини ҳимоя қилаётгани учун Ўзбекистон раҳбариятига миннатдорлик изҳор этди. Улар келажакда Ватанга қайтиб, унинг ривожига ўз ҳиссаларини қўшишга тайёр эканини ҳам таъкидлади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Холид Ал-Сулайтий: Ўзбек маданиятининг ўзига хослиги ва қадимий цивилизация билан боғлиқлиги менда катта таассурот қолдирди
Трент Келли: АҚШ Ўзбекистон билан шерикликни юқори баҳолайди ҳамда ҳамкорлик ва дўстона муносабатлар давом этишидан манфаатдор
Меҳмет Сейфеттин Эрол: Ўзбекистоннинг очиқ ва прагматик сиёсати унинг халқаро майдондаги ўрнини мустаҳкамламоқда
Иорданияда Ўзбекистон мустақиллиги байрами муносабати билан тадбир ўтказилди
