ВАШИНГТОН, 18 август. /“Дунё” АА/. АҚШ Конгресси аъзоси, Ўзбекистон билан ҳамкорлик бўйича парламент кокуси иштирокчиси Кэрол Миллер мамлакатимиз мустақиллигининг 35 йиллиги арафасида “Дунё” АА орқали Ўзбекистон халқига ўзининг самимий табрик ва эзгу тилакларини йўллади:

– Аввало, Ўзбекистон халқини мустақиллик шодиёнаси билан чин кўнгилдан табриклайман.

Ўзбекистонга икки марта ташриф буюриш имконига эга бўлганман. Мамлакат гўзаллиги ва халқининг меҳмондўстлиги менда катта таассурот қолдирган. Ўзбекистонда кўплаб дўстлар орттирганман ва улар билан мунтазам алоқалар ўрнатганмиз.

Мамлакатларимиз ўртасидаги муносабатларни иқтисодий ва маданий соҳаларда янада мустаҳкамлашга алоҳида эътибор қаратилмоқда. Президент Дональд Трамп маъмурияти даврида, жумладан, муҳим минераллар соҳасидаги шерикликни мустаҳкамлашга қаратилган қўшма инвестициявий платформа орқали шериклик бўйича сезиларли ютуққа эришилмоқда.

Бундан буён ҳам ҳамкасбларимга АҚШ–Ўзбекистон муносабатларининг аҳамиятини тушунтириш, Жексон–Вэник тузатишини бекор қилишга қаратилган қонунчилик ташаббусларини илгари суриш борасида изчил иш олиб бораман.

Келгусида ҳам ҳамкорлигимиз ва дўстлигимизни ҳозиргидек мустаҳкам бўлишига ишонаман.

Яна бир бор Ўзбекистоннинг меҳмондўст ва олижаноб фуқароларини яқинлашаётган истиқлол айёми билан қутлайман.