Ўзбекистон ташқи ишлар вазири ўринбосари ва Сербия меҳнат, бандлик, фахрийлар ва ижтимоий сиёсат вазири меҳнат миграцияси соҳасидаги ҳамкорлик масалаларини муҳокама қилди
Май 19, 2026. 18:03 • 53 сония
• 145
ТОШКЕНТ, 19 май. /“Дунё” АА/. Ўзбекистон ташқи ишлар вазири ўринбосари Олимжон Абдуллаев бугун Сербия меҳнат, бандлик, фахрийлар ва ижтимоий сиёсат вазири Милиcа Стаменковски билан учрашди, деб хабар бермоқда “Дунё” АА мухбири.
ТИВ хабарига кўра, Милиcа Стаменковски Ўзбекистонда амалга оширилаётган ислоҳотларни юқори баҳолаб, икки томонлама ҳамкорлик изчил ривожланиб бораётганини таъкидлади.
Учрашув давомида меҳнат миграцияси соҳасида ҳамкорлик қилиш, миграция бўйича ҳукуматлараро битимни имзолаш, виза тартиб-таомилларини соддалаштириш, ноқонуний миграцияга қарши курашиш масалалари юзасидан музокаралар олиб борилди.
Томонлар ўзаро ҳамкорликни мустаҳкамлаш ва қўшма ташаббусларни амалга оширишга тайёр эканини билдирди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
