ТОШКЕНТ, 29 ноябрь. / “Дунё” АА/.  2025 йилнинг январь-октябрь ойларида Ўзбекистонга сайёҳлик мақсадида 9,7 миллион нафар хорижий фуқаро ташриф буюрди, деб хабар қилмоқда “Дунё” АА мухбири.

Статистика қўмитаси маълумотларига кўра, сайёҳлар оқими ўтган йилнинг мос даврига нисбатан 3,2 миллион кишига ёки 50 фоизга ўсган.

Ўн ой давомида сайёҳлар жами 197 та давлатдан ташриф буюрган.

Сайёҳларнинг жинс категорияси бўйича тақсимоти:

Эркаклар – 5 миллион 273 минг 836 киши,

Аёллар – 4 миллион 458 минг 82 киши.

Ташриф буюрувчиларнинг ёш бўйича тақсимоти қуйидагича:

18 ёшгача – 1280688

19–30 ёш – 1590907

31–55 ёш – 4888764

56 ёш ва ундан катта –1971559

Қўмита маълумотида қайд этилишича, саёҳатчиларнинг асосий қисмини 31–55 ёшдаги шахслар ташкил этиб, улар умумий сайёҳлар оқимининг ярмидан кўпига тўғри келади.