БУДАПЕШТ, 3 сентябрь. /"Дунё" АА/. Мамлакатимиз элчихонаси ташаббуси билан Будапешт халқаро аэропортига олиб борувчи марказий йўлда Ўзбекистоннинг туристик салоҳиятига бағишланган баннерлар ўрнатилди, деб хабар қилмоқда "Дунё" АА мухбири.

Мазкур акция Ўзбекистонни Марказий Осиёнинг истиқболли туристик йўналишларидан бири сифатида тарғиб қилишга қаратилган тадбирлар доирасида амалга оширилди.

Туризм соҳаси мутахассисларининг таъкидлашича, бундай лойиҳалар халқаро майдонда Ўзбекистон брендини янада танитиш, мамлакатнинг маданий мероси ва замонавий туристик имкониятларини кенг тарғиб қилишда ҳисса қўшади.