АҚШ фуқароларини зудлик билан 14 та давлатни тарк этишга чақирди

АҚШ Давлат департаменти барча фуқароларини зудлик билан Яқин Шарқдаги ўндан ортиқ давлатни тарк этишга чақирди. Давлат департаменти сўнгги кунларда минтақадаги бир қатор давлатларга сафар қилмасликни тавсия қилганди. Сўнгги тавсия Баҳрайн, Миср, Эрон, Ироқ, Исроил, босиб олинган Ғарбий Соҳил ва Ғазо, Иордания, Кувайт, Ливан, Уммон, Қатар, Саудия Арабистони, Сурия, Бирлашган Араб Амирликлари ва Яманга тегишли.

Манба: Al Jazeera

***

Ҳўрмуз бўғозидан ўтишга уринган кемалар ўққа тутилиши мумкин

Эрон Ислом инқилоби муҳофизлари корпусига яқин манбалар тарқатган баёнотда Ҳўрмуз бўғози “ёпилгани” ва у ердан ўтишга ҳаракат қилган кемаларга ўқ узилиши мумкинлиги айтилди. Бироқ расмий каналлар орқали бўғоз ёпилгани ҳақида ҳозирча ҳуқуқий кучга эга расмий хабар келмагани билдирилмоқда.

Манба:  Reuters

***

Испания АҚШга Эронга ҳужумда унинг базаларидан фойдаланишни тақиқлади

 Испания Эронга қарши ҳужумлар учун АҚШга Рота ва Морон ҳарбий базаларидан фойдаланишга рухсат бермайди. Бу ҳақда мамлакат ташқи ишлар вазири Хосе Мануэл Альбарес маълум қилган. У АҚШ ва Испаниянинг қўшма бошқарувида бўлган, аммо Испания суверенитети остида қолаётган базалар ҳарбий операцияда иштирок этмаслигини таъкидлаган.

Манба: Испания ташқи ишлар вазири

 ***

Наркобарон “Эль Менчо” олтин тобутда дафн қилинди

 2 март куни Мексикадаги “Халиско янги авлоди” картели етакчиси Немесио Осегуера Сервантес, яъни “Эль Менчо” олтин тобутга дафн қилинди. Дафн маросими оркестр мусиқаси ҳамроҳлигида бўлиб ўтган. Автомобиллар карвони Ресинто де ла Паз қабристонига етиб борган. Машина қизил атиргуллардан хўроз шаклида тайёрланган гулдаста билан безатилган. Хўроз рамзи “Эль Менчо” билан боғлиқ бўлиб, у хўроз жангларига қизиққани сабаб “Сенор де лос галлос” (Хўроз жанглари қироли) лақабини олган.

Манба: AstroLegendario

***

Трамп Эронга қўшин ҳам юбориши мумкин

АҚШ Президенти Дональд Трамп Эронга зарурат туғилса, қуруқлик қўшинлари юборилиши мумкинлигини истисно қилмади. Унинг сўзларига кўра, одатда президентлар “қуруқлик қўшинлари бўлмайди” дейди, аммо у бундай демаслигини таъкидлаган.

Манба: The New York Post

***

Туркияда аёл жасади топилди. У ўзбекистонлик бўлиши мумкин

 Туркиянинг ўрмон ҳудудидан 2 март куни аёл кишининг таниб бўлмайдиган ҳолатдаги жасади топилди. Унинг устидаги кийимларидан аёл Баликесир вилоятида 21 январь куни йўқолган 46 ёшли самарқандлик Дилафруз Чўлиева экани тахмин қилиняпти. Қайд этилишича, икки боланинг онаси бўлган Чўлиева Туркиянинг Баликесир вилоятининг Бурҳония туманида қонуний яшаган. Унинг ишлашга ҳам рухсати бўлган. У 21 январь куни Эдремит туманидан Бурҳонияга қайтаётиб соат 20:00–20:30 атрофида автобусдан тушган. Шундан кейин у билан алоқа узилган. Аёл 22 январь куни ишга чиқмаган. 23 январь куни иш берувчилари уни қидириб, полицияга хабар берган.

Манба: Turkiyadagi_uzbeklar  

***

Саудиядаги АҚШ элчихонасига дронлар орқали ҳужум қилинди

Саудия Арабистонидаги АҚШ элчихонасига иккита дрон орқали ҳужум уюштирилди. Ҳозирча жабрланганлар ҳақида маълумот келиб тушмаган. Қироллик расмийлари ҳам АҚШ элчихонасига зарбалар берилгани ҳақидаги маълумотни тасдиқлаган. Доналд Трамп элчихонага қилинган ҳужумга жавоб қайтарилишини маълум қилди. Бу ҳақда “NewsNation” телеканали журналисти Келли Мейер хабар берган.

Манба: CNN

***

“Tasnim”: Саудиядаги энг йирик нефть заводига Исроил зарба берган, Эрон эмас

Исроил Саудия Арабистонидаги Рас-Танура шаҳрида жойлашган Saudi Aramco нефтни қайта ишлаш заводига қарашли қилинган ҳужум ортида турган. Маълумотларга кўра, Саудия Арабистони нефт обектлари Эрон ҳужумларининг нишонлари қаторига кирмаган. Агентлик манбасининг таъкидлашича, Саудия Арабистонининг Рас-Танура ҳудудидаги нефт заводига дрон қолдиқлари тушиши оқибатида ёнғин чиққан, бироқ ҳеч ким жабрланмаган ва бу ҳодиса нефт таъминотига таъсир қилмаган.

Манба: Tasnim  

Цукерберг “Миллиардерлар бункери”га 170 миллион доллар сарфлади

“Meta” корпорациясининг ҳаммуассиси Марк Цукерберг ва унинг рафиқаси Присцилла Чан сунъий равишда барпо этилган Индиан-Крик оролида, “миллиардерлар бункери” номи билан танилган ҳудуддан 170 миллион долларга ҳашаматли қаср сотиб олди. Агентликнинг сотувчилар вакилларига таяниб ёзишича, бу ҳозирга қадар Майами тарихидаги энг қиммат битим ҳисобланади. У алоҳида ҳолатдек кўринса-да, бозордаги бошқа кўчмас мулк объектлари ва таклифларга қараб, 100 миллион доллардан ортиқ қийматдаги битимлар сони янада кўпайишини кутиш мумкин.

Манба: Bloomberg