Ўзбекистонда МАГАТЭ кўмагида ядро тиббиёти ривожлантирилади
Март 30, 2026. 14:19 • 2 дақ
• 814
ВЕНА, 2 апрель. /“Дунё” АА/. Атом энергияси бўйича халқаро агентлиги (МАГАТЭ) юртимизнинг Австриядаги элчихонасига Ўзбекистонда ядро тиббиётини ривожлантириш бўйича стратегик ҳужжатларни ишлаб чиқишда кўмак беришга тайёр эканини билдириб, мактуб йўллади, деб хабар қилмоқда “Дунё” АА мухбири.
МАГАТЭ Ўзбекистоннинг ядро тиббиётини ривожлантиришга қаратилган ташаббусини юқори баҳолаб, бу соҳа соғлиқни сақлаш тизимини мустаҳкамлашга, онкологик касалликларни даволаш имкониятларини кенгайтиришга ва замонавий тиббий технологияларни жорий этишга хизмат қилишини таъкидлаган.
Мактубда қайд этилишича, ушбу қўллаб-қувватлаш МАГАТЭнинг амалга оширилаётган техник ҳамкорлик дастурлари ва 2025–2027 йилларга мўлжалланган Қўшма ҳаракатлар режаси доирасида амалга оширилади. Агентлик халқаро хавфсизлик стандартларига мувофиқ ҳолда эксперт ва маслаҳат ёрдамини тақдим этишга тайёр эканини билдирган.
Шунингдек, МАГАТЭ ядро тиббиёти, радиотерапия, радиология ва радиофармация соҳаларида Ўзбекистон билан ҳамкорликни янада кенгайтиришдан манфаатдор эканини маълум қилган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Варшава шаҳрида Ўзбекистон–Польша академик ҳамкорлигини ривожлантириш истиқболлари муҳокама қилинди
Саида Мирзиёева: Биз халқаро тажриба орттиришни, профессионал жиҳатдан ўсишни, ватанимиз ҳамда жаҳонга наф келтиришни истайдиган ёш ўзбекистонликларни доимо қўллаб-қувватлаймиз
