ТОШКЕНТ, 25 февраль. /“Дунё” АА/. Буюк Британияда ташриф билан бўлиб турган Ўзбекистон ташқи ишлар вазири Бахтиёр Саидов Лондонда “Benoy” архитектура компанияси бош директори Том Картлеж билан учрашди, деб хабар бермоқда “Дунё” АА мухбири.

“Benoy” компанияси бош директори Том Картлеж жаноблари билан учрашдик, – деб ёзди Ўзбекистон ТИВ раҳбари ўзининг telegram-каналида. – Замонавий шаҳарсозлик йўналишидаги ташаббуслар, жумладан, Ўзбекистон бўйлаб ҳудудларни режалаштириш, Янги Тошкент қурилиши, мастер-режаларни ишлаб чиқиш, шунингдек, транспорт ва туризм инфратузилмасини модернизация қилиш масалаларини муҳокама қилдик.

“Benoy” компаниясининг Ўзбекистондаги ривожлантириш лойиҳаларида иштирокини мамнуният билан қўллаб-қувватлаймиз ҳамда ўзаро манфаатли ҳамкорлик ва қўшма ташаббусларни амалга оширишга тайёрмиз”.

“Дунё” АА олган сурат