Ўзбекистон ташқи ишлар вазири Корея Республика элчисини қабул қилди
Март 23, 2026. 16:11 • 1 дақ
• 187
ТOШКЕНТ, 23 март. /«Дунё» АА/. Бугун Ўзбекистон ташқи ишлар вазири Бахтиёр Саидов Жанубий Корея элчиси Вон До Ённи қабул қилди, деб хабар бермоқда «Дунё» АА мухбири.
“Корея Республикасининг Ўзбекистондаги Фавқулодда ва Мухтор Элчиси Вон До Ён жанобларини Ўзбекистон Республикаси Ташқи ишлар вазирлигида қабул қилдик, - деб ёзди Ўзбекистон ТИВ раҳбари ўзининг telegram-каналида. - Яқин истиқболдаги режалар юзасидан фикр алмашдик, мавжуд имкониятлардан тўлиқ фойдаланиш учун ҳамкорликни янада фаоллаштириш муҳимлигини қайд этдик.
Мамлакатларимиз ўртасидаги ишончли ва узоқ йиллик шерикликни алоҳида таъкидлаб, барча келишувларни ўз вақтида ва самарали амалга ошириш зарурлигига урғу бердик”.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
