МАДРИД, 12 январь. /“Дунё” АА/. 2026 йил 25 февраль куни Мадриддаги “Centro Riojano de Madrid” маданият марказида Ўзбекистоннинг трансконтинентал алоқаларни ривожлантиришдаги ролига бағишланган конференция бўлиб ўтади, деб хабар бермоқда “Дунё” АА мухбири.

Тадбир Ўзбекистон элчихонаси томонидан Мадрид автоном ҳамда Кадис университетлари билан ҳамкорликда “Casa Asia” ташкилоти кўмагида ташкил этилади.

Конференция доирасида Ўзбекистоннинг Испания ва Португалия билан муносабатларини ривожлантириш, минтақавий хавфсизлик ва геосиёсат, академик, маданий ва иқтисодий ҳамкорлик масалалари бўйича испан ва португал олимлари ва экспертларининг иштирок этиши режалаштирилган.

Ушбу конференциянинг ўтказилиши Испания ва Ўзбекистон ўртасидаги маданий ва дипломатик йўналишдаги муносабатларни, иқтисодий алоқаларни мустаҳкамлашга сезиларли ижобий таъсир кўрсатиши кутилмоқда.