ТОШКЕНТ, 21 июнь. /"Дунё" АА/. Ўзбекистон ташқи ишлар вазири Бахтиёр Саидов Истанбул шаҳрида бўлиб ўтган ИҲТ Ташқи ишлар вазирлари кенгашининг 51-сессиясида иштироки доирасида Иордания Бош вазири ўринбосари, ташқи ишлар ва экспатриатлар масалалари бўйича вазири Айман Сафади билан музокара ўтказди, деб хабар қилмоқда "Дунё" АА мухбири.

"Иордания Бош вазири ўринбосари, ташқи ишлар ва экспатриатлар масалалари бўйича вазири Айман Сафади жаноблари билан учрашдик, – деб ёзди Ўзбекистон ТИВ раҳбари ўзининг telegram-каналида. – Ўзбекистон-Иордания муносабатларининг бугунги ҳолати ва истиқболли йўналишлари юзасидан конструктив фикр алмашдик. Халқаро ташкилотлар доирасидаги ҳамкорликни кучайтирмоқдамиз, минтақада тинчлик, барқарорлик ва изчил тараққиётга кўмаклашишга қаратилган қўшма ташаббусларни қўллаб-қувватлаймиз.

Ўзбекистон Иордания билан яқин ва дўстона алоқаларни юқори қадрлайди ва ушбу шерикликни янада чуқурлаштиришга умид қилади".