ТОШКЕНТ, 21 июнь. /"Дунё" АА/. Ўзбекистон ташқи ишлар вазири Бахтиёр Саидов Истанбул шаҳрида бўлиб ўтган ИҲТ Ташқи ишлар вазирлари кенгашининг 51-сессиясида иштироки доирасида Ироқ Бош вазири ўринбосари, ташқи ишлар вазири Фуад Ҳусайн билан музокара ўтказди, деб хабар қилмоқда "Дунё" АА мухбири.

"Ироқ Бош вазири ўринбосари, ташқи ишлар вазири Фуад Ҳусайн жаноблари билан мазмунли учрашув ўтказганимиздан мамнунмиз, – деб ёзди Ўзбекистон ТИВ раҳбари ўзининг telegram-каналида. – Ўзбекистон ва Ироқ ўртасида сиёсий мулоқот, иқтисодий ҳамкорлик ҳамда маданий алмашинувни мустаҳкамлаш борасидаги ўзаро манфаатдорлигимизни яна бир бор тасдиқладик. Икки томонлама муносабатларда ҳали тўлиқ кашф қилинмаган салоҳият мавжудлигини эътироф этиб, турли соҳаларда юқори даражадаги алоқалар ва амалий ҳамкорликни кучайтириш муҳимлигини таъкидладик".