Ўзбекистон ташқи ишлар вазири Финляндия Президенти билан учрашди
Март 09, 2026. 18:30 • 1 дақ
• 123
ТОШКЕНТ, 9 март. /“Дунё” АА/. Финляндия Президенти Александр Стубб Хельсинки шаҳрида ташриф билан бўлиб турган Ўзбекистон ташқи ишлар вазири Бахтиёр Саидовни бугун қабул қилди, деб хабар бермоқда “Дунё” АА мухбири.
“Бугун Хельсинки шаҳрида Финляндия Президенти Александр Стубб Жаноби Олийлари томонидан қабул қилинганимиздан мамнунмиз, – деб ёзди Ўзбекистон ТИВ раҳбари ўзининг telegram-каналида. – Финляндия етакчисига Ўзбекистон Президенти Шавкат Мирзиёев Жаноби Олийларининг самимий саломларини етказдик. Дўстлик ва ўзаро ҳурматга асосланган ҳамкорлигимиз Ўзбекистон - Финляндия кун тартибининг барча жабҳаларида жадал ривожланиб бормоқда. Ўзбекистон ва Финляндия ташқи ишлар вазирликлари олий даражада эришилган келишувларни амалга ошириш учун барча имкониятларини ишга солади”.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
