TOSHKЕNT, 11-noyabr. /“Dunyo” AA/. O‘zbekiston tashqi ishlar vaziri Baxtiyor Saidov bugun Pokiston Bosh vaziri o‘rinbosari, tashqi ishlar vaziri, senator Muhammad Is’hoq Dor bilan telefon orqali muloqot qildi, deb xabar bermoqda “Dunyo” AA muxbiri.

“Pokiston Bosh vaziri o‘rinbosari, tashqi ishlar vaziri, senator Muhammad Is’hoq Dar bilan telefon orqali muloqot o‘tkazdik, – deb yozdi Baxtiyor Saidov o‘zining telegram-kanalida. – Suhbat davomida O‘zbekiston–Pokiston munosabatlarining bugungi holati va istiqbollari, ShHT va Iqtisodiy hamkorlik tashkiloti doirasidagi munosabatlarni yanada mustahkamlash masalalarini muhokama qildik.

Shuningdek, umumiy mintaqaviy ustuvor vazifalarni ilgari surish, o‘zaro manfaatli masalalar bo‘yicha sa’y-harakatlarni muvofiqlashtirish va muloqotlarni muntazam davom ettirish muhimligini ta’kidladik”.

“Dunyo” AA arxividan olingan surat