TOSHKENT, 13-avgust. /“Dunyo” AA/. 2026-yilning yanvar–iyun oylarida O‘zbekiston 57 ta xorijiy mamlakatga umumiy qiymati 60 million AQSh dollariga teng bo‘lgan 47,7 ming tonna mayiz eksport qildi, deb xabar bermoqda “Dunyo” AA muxbiri.

O‘tgan yilning shu davriga nisbatan mahsulot yetkazib berish hajmi 704,5 tonnaga oshdi.

Milliy statistika qo‘mitasi maʼlumotlariga ko‘ra, Qozog‘iston o‘zbek mayizining eng yirik xaridoriga aylandi, ushbu mamlakatga 15,2 ming tonna mahsulot yetkazib berildi. Keyingi o‘rinlardan Xitoy — 6 ming tonna, Rossiya — 5,6 ming tonna, Turkiya — 3,9 ming tonna va Eron — 1,7 ming tonna ko‘rsatkich bilan joy olgan.

Shuningdek, Ukrainaga — 1,6 ming tonna, Ozarbayjonga — 1,4 ming tonna, Gruziyaga — 1,2 ming tonna, BAAga — 1,1 ming tonna va Germaniyaga — 1 ming tonna eksport qilindi. Braziliyaga 994,2 tonna o‘zbek mayizi yetkazib berildi. Yana 8 ming tonnaga yaqin hajm boshqa xorijiy bozorlar hissasiga to‘g‘ri keldi.

Tarmoqning yuqori eksport salohiyati xalqaro maʼlumotlar bilan ham tasdiqlanmoqda. UN Comtrade maʼlumotlar bazasiga ko‘ra, 2024-yilda O‘zbekiston 53 ming tonna mayiz eksport qilib, ushbu mahsulotni yetkazib berish hajmi bo‘yicha dunyoda 7-o‘rinni egalladi.

2024-yilda dunyoning eng yirik mayiz eksport qiluvchilari qatoriga Turkiya — 205,9 ming tonna, Janubiy Afrika Respublikasi — 81,7 ming tonna, Xitoy — 76,4 ming tonna, Chili — 59,1 ming tonna, Hindiston — 55,6 ming tonna va AQSh — 53,7 ming tonna ko‘rsatkich bilan kirdi.

O‘zbekiston 53 ming tonna ko‘rsatkich bilan Argentina (38,5 ming tonna), Gretsiya (15,6 ming tonna) va Niderlandiyani (12,7 ming tonna) ortda qoldirib, yettinchi pog‘onadan joy oldi.