TOSHKENT, 17-fevral. /“Dunyo” AA/. O‘zbekiston tashqi ishlar vazirining birinchi o‘rinbosari Bahromjon Aʼloyev boshchiligidagi delegatsiya Qatarga tashrif buyurdi, deb xabar bermoqda “Dunyo” AA muxbiri.

TIV xabariga ko‘ra, tashrif doirasida Baxromjon Aʼloyev Qatar Taraqqiyot jamg‘armasi (QFFD) bosh direktori Fahad Al-Sulayti hamda “Al Jabor Trading” kompaniyasi asoschisi shayx Navof bin Jabr Al-Tani bilan uchrashuvlar o‘tkazdi.

Uchrashuvlarda ijtimoiy-iqtisodiy va investitsiya sohalarida hamkorlikni kengaytirish istiqbollari, qo‘shma loyihalarni amalga oshirish bo‘yicha hamkorlikni chuqurlashtirishning mumkin bo‘lgan yo‘nalishlari muhokama qilindi.

Uchrashuvlar yakunida tomonlar o‘zaro hamkorlikni yana-da rivojlantirishdan manfaatdor ekanini taʼkidladi.

Eslatib o‘tamiz, 16-fevral kuni Doha shahrida O‘zbekiston va Qatar tashqi ishlar vazirliklari o‘rtasida siyosiy maslahatlashuv uchrashuvlarining 4-raundi bo‘lib o‘tdi. Delegatsiyalarga O‘zbekiston tashqi ishlar vazirining birinchi o‘rinbosari Bahromjon Aʼloyev va Qatar tashqi ishlar davlat vaziri Sulton bin Saad Al-Murayxiy boshchilik qildi.