O‘zbekiston Prezidenti Tatariston bilan hamkorlikni yanada rivojlantirish muhimligini taʼkidladi
Iyul 24, 2026. 19:43 • 49 soniya
• 54
TOSHKENT, 24-iyul. /“Dunyo” AA/. O‘zbekiston Prezidenti Shavkat Mirziyoyev bugun Tatariston Respublikasi raisi Rustam Minnixanov bilan telefon orqali muloqot qildi, deb xabar bermoqda “Dunyo” AA muxbiri.
Davlatimiz rahbari matbuot xizmati maʼlumotiga ko‘ra, suhbat avvalida Rustam Minnixanov O‘zbekiston Prezidentini tavallud kuni munosabati bilan samimiy tabriklab, mustahkam sog‘liq, baxt-saodat va O‘zbekiston xalqi ravnaqi yo‘lidagi serqirra mehnatida ulkan muvaffaqiyatlar tiladi.
Mamlakatimiz hududlarining Tatariston Respublikasi bilan hamkorligini yana-da kengaytirish masalalari ko‘rib chiqildi.
Tovar ayirboshlash hajmini oshirish hamda ustuvor tarmoqlarda sanoat kooperatsiyasi loyihalarini jadallashtirish bo‘yicha qo‘shma chora-tadbirlarga alohida eʼtibor qaratildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston va Serbiya yetakchilari ko‘p qirrali munosabatlarni yanada mustahkamlash masalalarini muhokama qildilar
