LONDON, 10-iyun. /“Dunyo” AA/. O‘zbekiston elchixonasiga “BBC News”ning Yevropa bo‘yicha mintaqaviy direktori Richard Koulborn murojaat yo‘lladi, deb xabar bermoqda “Dunyo” AA muxbiri. 

Unda mediatashkilot futbol bo‘yicha O‘zbekiston milliy terma jamoasining bo‘lajak jahon chempionatidagi ishtirokini keng yoritish niyatida ekani ma’lum qilingan.

Shuningdek, Richard Koulborn o‘z xatida 16–18-iyun kunlari bo‘lib o‘tadigan V Toshkent xalqaro investitsiya forumida o‘z ishtirok etishini tasdiqlagan.

Bundan tashqari Britaniya tomoni tashrif davomida media sohasidagi hamkorlikni yanada rivojlantirish istiqbollarini hamda kompaniyaning respublikadagi faoliyatini kengaytirish masalalarini muhokama qilishni rejalashtirgan.