O‘zbekiston va Polsha kiberxavfsizlik sohasida qo‘shma taʼlim va tadqiqotlarni yo‘lga qo‘yadi
Avgust 26, 2026. 13:00 • 2 daq
• 148
VARSHAVA, 26-avgust. /“Dunyo” AA/. O‘zbekiston elchisi Amirsaid Aʼzamxo‘jayev Polsha raqamlashtirish vaziri o‘rinbosari Rafal Rosinski bilan uchrashdi, deb xabar qilmoqda “Dunyo” AA muxbiri.
Uchrashuvda raqamlashtirish, kiberxavfsizlik, innovatsiyalar va ilmiy-tadqiqotlar sohalarida ikki tomonlama hamkorlikni rivojlantirish masalalari muhokama qilindi.
Xususan, Polsha Milliy tadqiqot va xavfsizlik instituti (NASK) hamda O‘zbekiston Raqamli texnologiyalar vazirligi huzuridagi ilmiy-tadqiqot institutlari o‘rtasida hamkorlikni yo‘lga qo‘yish bo‘yicha kelishuvga erishildi.
Shuningdek, “Cyber University”ning Varshava politexnika universiteti, Varshava universiteti va Vroslav fan va texnologiyalar universiteti bilan hamkorligini kengaytirish istiqbollari ko‘rib chiqildi.
Ushbu hamkorlik doirasida talabalar va professor-o‘qituvchilar almashinuvini yo‘lga qo‘yish, qo‘shma taʼlim va ilmiy-tadqiqot dasturlarini amalga oshirish, kiberxavfsizlik sohasi uchun malakali mutaxassislar tayyorlash ko‘zda tutilmoqda.
Muloqot yakunida erishilgan kelishuvlarni amalga oshirish bo‘yicha amaliy chora-tadbirlarni muhokama qilish maqsadida yaqin vaqtda videokonferensiya o‘tkazishga kelishib olindi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston va Guanchjou sanʼat muzeylari o‘rtasida hamkorlik yo‘lga qo‘yiladi
Pokiston kompaniyasi Xiva shahrida “aqlli shahar” loyihasini amalga oshirish jarayonini boshladi
Qoshg‘ardagi xalqaro ko‘rgazmada O‘zbekistonning eksport va investitsiya salohiyati namoyish etildi
