TOSHKENT, 5-dekabr. /“Dunyo” AA/. O‘zbekiston tashqi ishlar vaziri Baxtiyor Saidov kecha Vena shahrida Germaniya tashqi ishlar vaziri Yohann Vadeful bilan muzokaralar o‘tkazdi, deb xabar bermoqda “Dunyo” AA muxbiri.

“Germaniya tashqi ishlar vaziri Yohann Vadeful janoblari bilan uchrashishdan mamnunmiz, – deb yozdi O‘zbekiston tashqi ishlar vaziri o‘zining telegram-kanalida. – O‘zbekiston–Germaniya hamkorligining o‘sib borayotgan dinamikasini qayd etdik. Savdo, investitsiyalar, “yashil” energetika, kasbiy taʼlim va o‘zaro bog‘liqlik kabi sohalardagi hamkorlikni yanada kengaytirishni muhokama qildik.

Shuningdek, xalqaro va mintaqaviy muhim masalalar hamda bo‘lajak tadbirlar kun tartibi yuzasidan fikr almashdik”.