TOSHKENT, 5-fevral. /“Dunyo” AA/. O‘zbekiston tashqi ishlar vaziri Baxtiyor Saidov va AQSh davlat kotibining birinchi o‘rinbosari Kristofer Landau Vashington shahrida hukumatlararo memorandumni imzoladilar, deb xabar bermoqda “Dunyo” AA muxbiri.

“AQSh Davlat kotibining birinchi o‘rinbosari Kristofer Landau janoblari bilan birgalikda O‘zbekiston Respublikasi hukumati va Amerika Qo‘shma Shtatlari hukumati o‘rtasida muhim foydali qazilmalar va nodir yer elementlarini qazib olish hamda qayta ishlash sohasida taʼminot barqarorligi to‘g‘risida anglashuv memorandumini imzoladik, – deb yozdi O‘zbekiston TIV rahbari o‘zining telegram-kanalida. – Biz o‘ta muhim minerallarni nafaqat iqtisodiy imkoniyat, balki masʼuliyatli hamkorlik va uzoq muddatli barqaror rivojlanish uchun muhim yo‘nalish sifatida ko‘ramiz.